سال الجنون الحب فين اختفى واحنا فى عز المطر
قلت هناك وسط الورد والشجر
سن الجنون رماحة وراح يخبط فى الشجر
يضرب ويطعن فى الشجر
لقى صوت يبكى حزين يمزق القلب
اتارى سهمة اللعين خرم عين الحب
الحب ظهر اعمى وعيونة تنزف دم
ولما شافة الجنون حس بالم وبهم
فقال الحب يا الهى ماكنت اقصد الخطر
ازاى اكفر خطيئتى بعد ما ضاع النظر
الحب قال تقودنى فى رحلات السفر
تكون دليلى بين البشر
الحب خلى البلابل تغنى على الغصون
وخلى كل الناس تعيش بحب واحساس
وملى الدنيا بالزخارف والفنون
ودى قصة الحب الاعمى اللى يقودة الجنون